Abu Yasir Al-Muqdishi oo ka hadlay dilkii Cabdirizaq Burundi.[Dhagayso]

Muqdisho: Abu Yaasir Al-Muqdishi ayaa ka hadlay dil loo geystay  Cabdirizaq Burundi oo ka mid ahaa raga Muhaajiriinta ee ka garab dagaalamayey Ururka Al-Shabaab. Dilka loo geystay Cabdirizaq Burundi ayaa waxaa uu soo baxay isbuucii la soo dhaafay waxaana wararku sheegayaan in rag kale lala khaarajiyey Cabdirizaq Burundi.

Kooxaha Amniyaadka ee ka amar qaata Axmed Cabdi Godane ayaa si gaar ah waxay u dileen rag malaayiin lacag ah uu dul dhigay Mareykanku iyadoo raggaas ay si toos ah loo khaarajiyey  waxaana u danbeeyey dilkii Ibraahim Afgan, Macalin Burhaan iyo Abu Mansuur Al-Amriki.

Cabdirizaq Burundi ayaa waxaa uu u xirnaa kooxda Axmed Godane mudo 8 bilood waxaana dilkiisa ka hadlay maanta Sh Abu Yaasir Al-Muqdishi oo ka mid ahaa culumada ururka Al-Shabaab ee haatan lafahooda uga cararay seefta Axmed Cabdi Godane.

Ilaa iyo hadda ma jiro wax war ah oo ka soo baxay hogaanka ururka Al-shabaab oo ku saabsan dilka Muhaajir Cabdirizaq Burundi oo la sheegay in  la dilay maalintii Jimcaha ee la soo dhaafay.

Hoos Ka Dhagayso Abu Yaasir Al-muqdishow oo ka hadlay dilka Cabdirizaq Burundi

Source codka Rasminews.
A/cawaale.