.gif)
Ciidanka Malaysia oo gacanta ku dhigay xubin ka tirsan Al-Shabaab
May 9, 2014 - Written by Editor
Malaysia:-Wararka ka imaanaya dalka Malaysia ayaa sheegaya in Ciidanka la-dagaallanka argagixisada ee dalkaas ay gacanata ku dhigeen xubin ay sheegeen in uu ka tirsan yahay Ururka Al-Shabaab waxaana uu ka soo jeedaa dalka Soomaaliya.
Ciidamada amaanka ee dalka Malaysia ayaa sheegay in ay xireen nin Soomaali ah oo 34 jir ah, sida uu soo qoray wargeyska caanka ah ee dalka Malaysia the Star .Booliska adduunka (Interpol) ayaa la sheegay in ay in mudo ah ay baadigoobayeen ninka maanta lagu xiray dalka Malaysia waxaana laga qabtay magaalo ku taalla duleedka caasimadda Kuala Lumpur ee la yiraahdo Selangor.
Datuk Seri Mohd Bakri Zinin oo ah Ku-xigeenka xoghayaha guud ee ciidanka booliska dalka Malaysia ayaa sheegay inay sidoo kale ku daba jiraan xubno gaaraya 5 oo ka tirsan Al-Shabaab oo soo galay dalka Malaysia.
Ciidanka Sirdoonka ee dalka Malaysia ayaa sheegay in ninka la qabtay ay haatan su,aalo weydiinayaan waxaana ay ciidanka Sirdoonka ee dalka Malaysia ay sheegeen in ay ka war hayaan in xubno ka tirsan Al-Shabaab ay dalkooda ku soo galeen qaab waxbarasho.
A/Cawale
Halgan.net.
