Ciidanka Puntland oo dilay 2 xubnood ka tirsan ururka Al-shabaab, halka 2 kalena ay gacanta ku dhigeen[Masawiro]

Boosaaso:-Wararka naga soo gaaray magaalada Boosaaso ee xarunta gobolka Bari ayaa sheegay in xalay uu dagaal dhexmaray ciidanka Puntland iyo koox ka tirsan Al-shabaab oo ay ciidanku ka war heleen in ay joogaan wadadda isku xirta magaalada Carmo iyo Boosaaso, Iska horimaad hubaysan ka dib ayaa ciidanku waxaa ay dileen 2 xubnood oo ka tirsan Al-shabaab halka 2 kalena ay ciidanku nolol ku qabteen.

Taliyaha qaybta Booliska Gobolka Bari Cabdiraxmaan Cali Cabaas oo la hadlay Saxaafada ayaa sheegay in Ciidamada Booliska Puntland ay xogta heleen ka dibna ay ciidanku sameeyeen hawlgalka dibna dagaalku dhacay, Taliyaha qaybta Booliska Gobolka Bari ayaa sheegay in ilaa 11 xubnood oo Shabaab ah iyo labo dumar ah oo rabay in ay galaan Buuraha Golis si ay u geeyaan Raashin iyo Saad.

no images were found

Taliyaha qaybta Booliska Gobolka Bari Cabdiraxmaan Cali Cabaas ayaa u sheegay saxaafadda in ciidanka Puntland ay guul ka gaareen dagaalkii xalay ay la galeen Al-shabaab ka dib markii Sirdoonka Puntland ay ogaadeen in koox ka tirsan Al-shabaab ay joogto degaan u dhexeeya Carmo iyo Boosaaso ka dibna ay ciidanku weerareen sidaasna uu dagaal ku dhexmaray ciidanka Puntland iyo Al-shabaab.

M_M_Deeq
Halgan.net