Faahfaahin qarax caawa ka dhacay dalka Jabuuti

Jabuuti:-Wararka ka imaanaya dalka Jabuuti ayaa sheegaya in caawa Laba qof ay ku dhinteen xarunta dalka Jabuuti ka dib markii ay  laba qarax ay ka dhaceen maqaaxi ku taal dalka Jabuuti qaraxa ayaa  dhaliyey  khasaaro leh dhimasho iyo dhaawac

Qaraxa koowaad ayaa waxaa uu ka dhacay maqaayadda La Chaumiere oo ay inta badan ku caweeyaan dadka reer galbeedka ee ku dhaqan dalka Jabuuti waxaana ku dhaawacmay 11 qof.

Diblumaasi qariyey magaciisa oo la hadlay wakaalada wararka ee AFP  ayaa sheegay in dadka dhintay iyo kuwa dhaawacmay ay ku jiraan dad ajaanib ah oo ku sugnaa maqaaxida La Chaumiere .

Dad goobjoogayaal ah ayaa u sheegay BBC-da in weerarka lagu qaaday maqaaxida La Chaumiere  uu ahaa markii hore Bam lagu tuuray  ka dibna uu xigay qof fadhiyey maqaaxida oo is qarxiyey.

Saraakiisha ciidanka booliska ee dalka Jabuuti, ayaa sheegay in ay wadaan howlgalo ay ku baarayaan qaraxyada ka dhacay dalka Jabuuti iyo cida ka danbeysay.

A/Cawale
Halgan.net