Madaxwaynaha Puntland oo Furay Imtixaanka Shahaadiga ah ee Puntland (Masawiro)

Muqdisho:-Madaxwaynaha Dowlada Puntland Mudane Dr Cabdiwali Maxmed Cali Gaas ayaa maanta Dugsiga Sare ee Gambool Garowe kaga qayb Furitaanka Imtixaanka Shahaadiga ee Dugsiyada Sare iyo Dhexe ee Fasalada 12aad iyo 8aad ee Gobolada Puntland .

Madaxwayne Mudane Dr Cabdiwali Maxmed Cali Gaas oo la hadlayay ardayda ayaa sheegay in uu si aad ah ugu faraxsanyahay,Horumarka laga gaaray Waxbarista ubadka Soo koraya,waxana uu alle uga baryay In uu U Fududeeyo Imtixaanka ay Galayaan Ardaydaasi.

‘’Aad iyo aad waxaa farxad iigu ah in aan idiin imaado,idinkalana qayb qaato maalintaan idinka idinku wayn,taariikhdiinana meel fiican ka galaysa’’Sidaasi waxaa yiri Madaxwaynaha Dowlada Puntland Mudane Dr Cabdiwali Maxmed Cali Gaas.

‘’Waxaan idiin sheegaya In dowlada Puntland ka Go,antahay in mustaqbalkiinu Cadaado,in mustaqbalkiinu sida idinka aad la doonaysaan uu noqdo,saa waxaan oo dadaal ah waxaa u soo galayseen in noloshiina qofnimo wax iska badasho’’Ayuu Madaxwaynuhu Hadalkiisa Raaciyay .

Madaxwaynaha Dowlada Puntland oo galay mid ka mid ahaa Fasalada ay ardaydu Imtixaanka ku galayeen ayaa waxa uu mid mid ugu qaybiyay Waraaqihii Imtixaanka,isagoona si toos ah ugu dhawaaqay in Imtixaanka shahaadiga ah ee Iskuulada Puntland Furanyahay .

no images were found

‘’Waxaan rabaa inaan ku dhawaaqo in Imtixaanki dugsiyada Sare iyo Dhexe ee Fasalada 12aad iyo 8aad ee Gobolada Puntland,maanta uu meel waba oo Puntland ah ka furanyahay,imtixaankiina saa ayuu ku furanyahay Guul ayaan idiin rajaynayaa’’Ayuu yiri Madaxwaynaha Dowlada Puntland Mudane Dr Cabdiwali Maxmed Cali Gaas.

-DHAMMAAD-
Xafiiska Warfaafinta,Wacyigalinta,Hiddaha iyo dhaqanka ee Madaxtooyada Puntland