Madaxweynaha Puntland oo gaaray magaalada Boosaaso.[Masawiro]

Boosaaso:-Madaxwaynaha Dowlada Puntland Mudane C/wali Maxamed Cali Gaas ayaa Maanta Si Weyn loogu soo dhaweeyay Magaalada Boosaaso ee Xarunta Gobolka Barri. Wafdiga uu hogaaminayay Madaxwayne Gaas waxaa kamid ahaa Wasiiro katirsan Xukuumada Puntland,Xildhibaano,Saraakil katirsan Ciidanka Puntland iyo Masuuliyiin kale.Soo dhawaynta Madaxwaynaha Dowladda Puntland,waxaa ka qayb qaatay Wasiiro, Maamulka Gobolka Barri,Kan Degmada Boosaaso, Odayaal, Waxgarad, Haween,Dhalinyaro iyo dhamaan qaybaha kala duwan ee Bulshada ku dhaqan Magaalo Ganacsiyeedka Puntland Boosaaso.

Madaxwaynaha Dowlada Puntland Mudane C/wali Maxamed Cali Gaas ayaa dhamaanba gacan qaaday dadkii ka qayb qaadanayay soo dhawayntiisa,oo qaybtood uga horyimaaden halka laga soo galo Magaalada Boosaaso . Madaxwaynaha Dowlada Puntland Dr.Cabdiwali Maxamed Cali Gaas iyo Waftigiisi markii ay gudaha u soo galeen Magaalada Boosaaso,waxaa loo galbiyay aqalka Madaxtooyada Puntland ee Boosaaso.

Shir jaraa’id oo uu Madaxwayne Mudane Cabdiwali Gaas Ku qabtay Aqalka Madaxtooyada Puntland ee Boosaaso,ayuu ku tilmaamay in safaradii uu ku marayay qaar kamid ah gobolada Puntland Salka ku hayeen u kuur galida xaalada nololeed ee shacabka ku dhaqan Gobolada Puntland.

Madaxwaynaha Dowladda Puntland C/wali Maxamed Cali Gaas ayaa sidookale tilmaamay in uu ku soo guulaystay dhisida golayaal deegaan oo qaybtood laga soo dhisay Degmooyin ay kamid ahayd Degmada Balidhidin oo katirsan Gobolka Bari.

no images were found

-DHAMMAAD-
Xafiiska Warfaafinta Wacyigalinta,
Hiddaha Iyo Dhaqanka ee Madaxtooyada Puntland