Qardho oo si weyn looga dareemayo caleema saarka Boqorka beelaha Daarood.[Masawiro]

Qardho:-Waxaa Guud ahaan magaalada Qardho ee Gobolka Karkaar Puntland Soomaaliya si weyn looga dareemayaa caleema saarka Boqorka 34-aad ee beelaha Daarood Boqor Burhaan Boqor Muuse Boqor Yuusuf Boqor Cismaan ,waxaana magaalada Qardho soo gaaraya wufuud kala duwan oo ka qeyb galaya Calema Saarka Boqorka.

Gudiga Qabanqaabada caleema saarka Boqorka ayaa waxa ay diyaariyeen dhammaan goobaha loogu talagalay in lagu casuumo iyo halka ay dagayaan wufuuda ka qeyb galeysa caleemasaarka Boqorka. Caleema saarka Boqorka Beelaha Daarood ayaa loogu talagalay in lagu casuumo wufuud ka badan 3000 oo qof oo ka imaaneysa dhammaan daafaha aduunka,waxaana si weyn loogu diyaar garoobay soo dhaweynta wufuuda kala duwan ee imaanaya caleema saarka Boqorka.

Caleemasaarkaan ayaa ah kii ugu weynaa inta la xusuusto in ka badan Qarni ay ka soo qeybgalayaan wufuud sidaan u badan  oo isugu jirta Isimo ,Cuqaal,Ugaasyo, Garaadyo, Wabaro,Malaaqyo, Suldaano, imaamyo,iyo Siyaasiyiinta ugu caansan dalka Somalia, Culama’udiin iyo Madax sare oo ka tirsan Beesha Caalamka.

25-ka Bishan May ayeey dhaceysaa Caleema saarka Boqrka 34-aad ee beelaha Daarood Boqor Burhaan Boqor Muuse Boqor Yuusuf Boqor Cismaan.

Yaasiin Cali Yuusuf xiririyaha arrimaha Bulshada Caleema saarka Boqorka ayaa sheegay in Magaalada Qardho ay u diyaar garowday Caleema Saarka Boqorka Guud ee Beelaha Daarood waxa uu tilmaamay in la diyaariyey wax walbo oo lagu soo dhaweenayo Martida ka soo qeyb galeyso Caleema saarka Boqrka 34-aad ee beelaha Daarood Boqor Burhaan Boqor Muuse Boqor Yuusuf Boqor Cismaan.

Daawo masawirada gooabaha loo diyaariyey Ergooyinka iyo diyaar Garoowa socda.

no images were found

W/D:-Cismaan Cumar Boqor Cismaan
Gudoomiyaha Xiriirka Warbaahinta 
Caleema Saarka Boqorka