Ra’iisal wasaare DFS Cabdiweli Sh.Axmed oo safar ku soo gaari doona Puntland

Garoowe:-Raiisul wasaaraha Dowladda Federaalka Soomaaliya Cabdiweli Sh.Axmed ayaa  waxaa la filaayaa in usbuuc soo socda uu socdaal ku gaaro magaalada Garoowe ee caasimada Puntland. Ra’iisul wasaaraha Dowladda Federaalka Soomaaliya C/weli Sh.Axmed ayaa dhowr jeer u socdaali gaaray magaalada Garoowe balse xiriirka dowladda federaalka iyo Puntland oo aan wanaagsanay ayaa dhowr jeer uu safarkiisu dib u dhacay ka dib wada hadalo jiray awgood.

Wafdiga Raiisul wasaaraha Dowladda Federaalka Soomaaliya Cabdiweli Sh.Axmed ayaa waxaa socdaalkiisa ku wehelin doono Xildhibaano ka tirsan Baarlamaanka Dowladda Federaalka Soomaaliya kana soo jeeda Puntland iyo masuuliyiin kale . Socdaalka uu ku gaari doono Puntland Raiisul wasaaraha DFS Cabdiweli Sh.Axmed ayaa waxaa uu noqonayaa safarkii ugu horeeyey ee Ra’iisul wasaaraha Dowladda Federaalka Soomaaliya uu ku gaaro Puntland ilaa intii xilkaas loo magacaabay.

Ilaa hadda ma  cadda socdaalka uu Ra’iisul wasaaraha Dowladda Federaalka Soomaaliya C/weli Sh.Axmed ku tegayo  Puntland balse waxaa la sheegayaa in Madaxda Dowladda Federaalka Soomaaliya ay ku howlan yihiin siddii khilaafka ka dhexeeya Puntland loogu xalin lahaa wada hadal iyo is afgarad buuxa.

Socdaalka uu Raiisul wasaaraha Dowladda Federaalka Soomaaliya Cabdiweli Sh.Axmed ku tegay Puntland ayaa waxaa uu ku soo beegmayaa  xili Ra’iisul wasaarah uu safar ku kala bixiyey gobollada dalka qaar kood gaar ahaan Goboladda Jubadda Hoose, Shabeelaha Dhexe, Shabeelaha Hoose iyo weliba Jubadda Dhexe.

A/cawaale
Halgan.net