Ra’iisulwasaaraha DFS oo si KMG ah u magacaabay wasiirka amniga qaranka DFS.

Muqdisho:-Raisulwasaaraha DFS Cabdiweli Sheekh Axmed Maxamed ayaa xilka wasaaradda amniga qaranka si KMG ah ugu magacaabay  Wasiirka Gaashaandhiga DFS Maxamed Sheekh Xasan Xaamud.Wasiirka warfaafinta ee DFS  Mustaf Sheekh Cali ayaa u sheegay warbaahinta ka howlgasha magaalada Muqdisho  in xilka wasaaradda amniga uu si kumeel gaar ah u sii haynayo  Maxamed Sheekh Xasan Xaamud oo haatan ah wasiirka G/dhiga ee DFS.

Mustaf Sheekh Cali Dhuxulow ayaa sheegay in Raisulwasaaraha DFS uu dhawaan si rasmi ah uu u magacaabi doono wasiirka amniga qaranka ee DFS .

Cabdikariim Xuseen Guuleed Wasiirkii hore ee amniga qaranka ayaa xilka iska casilay 24-kii bishan ka dib markii uu ku fashilmay in uu wax ka qabto amaanka magaalada Muqdisho

A/Cawale
Halgan.net