Sh Maxamed Cabdi Umal iyo wafdi culimo ah oo gaaray Boorame

Boorame:-Waxaa galabta gaaray magaalada Boorame ee xarunta Gobolka Awal wafdi culimo ah oo ku jiro Sh Maxamed Cabdi Umal iyagoo soo maray magaalada Gabiley , Sh Maxamed Cabdi Umal ayaa waxaa safarkiisa ku weheliyey Sh.Maxamed Cali Gadhle iyo culimo kale.

Sh.Maxamed Cabdi Umal ayaa ka soo kicitimay dhanka Gobolka Gabiley waxaana uu soo maray degmada Dila halkaas shacabka ku dhaqan aysan u kala harin soo dhaweyntiisa.

Salaadii Casar ka dib ayaa wafdiga culimada ee uu ku jiro Sheekh.Maxamed Cabdi Umal waxaa ay u safareen magaalada Boorame halkaas oo ay dadweynuhu uga hortegeen duleedka magaalada si ay u soo dhaweeyaan culimada Soomaaliyeed.

Waxaa xusid mudan in dadweynaha reer Boorame aysan u kala harin soo dhaweynta Sh.Maxamed Cabdi Umal isagoo Sheekhu salaadii Maqrib caawa uu muxaadaradii ugu horeysay uu ka jeediyey Masjidka Abu Hureyra ee magaalada Boorame.

Warbixinta socdaalka Sh Umal ee magaalada Boorame dib ayaan idinka  soo gudbin doonaa Insha Allaah.

Halgan.net