Sh Umal Al-Shabaab iyo Daacish waxay dabaqayaan dhariiqii Khawaarijta (Dhageyso)

Hargeysa:-Sh Maxamed Cabdi Umal oo ka mid ah culumada Soomaaliyeed oo haatan socdaal dacwadeed ku jooga magaalada Hargeysa ee xarunta S/land ayaa sheegay in kooxda Al-Shabaab iyo Daacish ay dabaqayaan dariiqii Khawaarijta waxaaan uu Sheekhu sidaa yiri ka dib markii su,aal la weydiiyey xalay isaga oo muxaadaro ka jeedinaya Masjidka Weyn ee Cali Mataan .

Sh.Maxamed Cabdi Umal ayaa sheegay in Al-Shabaab iyo Daacish ay hayaan wadadii Khawaarijta bal ayba ka dheereeyaan wuxuuna dhalinya ugu digay in ay ku kadsoomaan  baaqyada iyo baalxoofteynta Al-Shabaab iyo Daacish.Sheekh Maxamed Cabdi Umal ayaa sheegay in Usuusha iyo Manhajka Al-Qaacida in badan oo ka mid ah uu salka ku hayo Takfiirin iyo quliwi .

Sheekh Maxamed Cabdi Umal ayaa sidoo kale la weydiiyey is qarxinta iyo wax ay diinta ka qabto wuxuuna si faahfahsan u soo gudbiyey mowqifka culumada Islaamka isaga oo soo guuriyey 3 qowl oo ay culumada ku ijtihaadeen.Sheekh Maxamed Cabdi Umal ayaa sidoo kale la weydiiyey qolyo isku koobay Salafiyada oo bidceysiiya jamaacaadka

Hoos ka Dhageyso Sheekh Maxamed Cabdi Umal oo ka jawaabay Su,aal laga weydiiyey Al-Shabaab iyo Daacish

Xigasho (Hadhwanaagnews)
Hargeysa