Sh.umal oo xalay muxaadaro ka jeediyey Masjidka Jamaca ee magaalada jigjiga

Jigjiga:-Sh.Maxamed Cabdi Umal oo dib ugu soo laabtay xarunta deegaanka soomaalida ee Jigjiga ayaa waxaa uu muxaadaro ku qabtay masaajidka jamaca ee magaalada jigjiga muxaadarad ciwankeedu wuxuu ahaa من هم اهل السنة waa kuwee dadka ahlu sunnaha ah. Sh.Maxamed Cabdi Umal wuxuu aad ugu dheeraday tacriifinta dad ka la dhihi karo waa Ahluna sunna iyo meelaha Masdarka u ah ee ay ka qaatan diinta Islaamka. isagoo sheekhu ka digay dadka Caqiida Islaamka khaldaya isagoo dul istaagay Sifaatka Alle gaar ahaan Istawaha iyo sifaatka ilaahay.

Muxaadarad Sh Umal ayaa waxaa ay ka kooban tahay ilaa labo qaybood oo xalay uu jeediyey qaybtii kowaad isagoo caawana jeedin doona qaybta 2aad kana jeedin doona Isla Masjid Jamac magaalada Jigjiga. Muxaadarada Sh Umal uu ka jeediyey Masjid Jamac ayaa waxaa ka soo qayb galay dadwayne aad u farabadan oo iskugu jira rag iyo dumarba iyadoo Masjidka uu aad u buuxsamay dadka qaarkoodna ay waayeen meel ay fadhistaan.

Xafiiska warbaahinta ee Mu’ssadda Al-sunaha ayaa waxaa ay si dhaqso leh u soo gudbin doontaa haddii Alle idmo safarkii Sh Umal uu ku tegay Gobollada kala duwan ee Somali galbeed.

Xafiiska iclaamka Mu,asasada Al-sunnah
ee tacliinta iyo dacwada.