Sh.Umal oo muxaadaraad kala duwan ka jeediyey magaalada Boorame(Masawiro)

Sheikh Maxamed cabdi umal oo ka mid ah culimada ugu waawayn ee soomaaliyeed oo baryhii u danbeeyey ku sugnaa soomaaliland ayaa waxa uu safar dacwdeed ku tagay magaalo madaxda gobolka owdal ee boorama. Sheekha ayaa muxaadarad kala duwan ka jeediyey goobo kala duwan oo ku yaal magaalada boorama. Muxaadarda 1 aad ayaa habeenkii khamiista ee taariikhdu ahayd 29/05/2014 ka baxday masaajidka ugu wayn magaalada boorama ee loo yaqaan abu hurayra , muxaadaradan ayaa ciwaankeedu ahaa : فقه الدعوة إلى الله. Sidoo kale xalay oo jimce ahayd ayaa muxaadaro 2 aad oo ciwaankeedu yahay فقه الموازنة بين المصالح والمفاسد waxa uu sheekhu ka jeediyey isla masaajidka abu hurayra ee magaalada boorama.

Dhanka kale sheikh muxamed cabdi umal iyo wafdiga uu hogaaminayo ayaa shalay khamiistii taariikhduna ahayd 29/05/2014 waxay booqasho ku tageen jaamacada caanka ah ee camuud oo ku taala duleedka magaalada boorama,
Gudoomiyaha jaamacada camuud prof saleebaan cabdi guuleed ayaa ku soo dhaweyey hoolka wayn ee jaamacada halkaas oo ay iskugu yimaaden kumanaan ka tirsan ardayda wax ka barata jaamacada camuud si ay uga faa,iidaystaan sheekha oo ay si wayn u sugayeen imaatinkiisa maalmihii la soo dhaafay.

Isla shalay khamiistii ayaa sheikh maxamed cabdi umal iyo Sh Maxamed Cali Jaamac Gadhle oo ka mid ah wafdiga sheekha la socda ay si wada jir ah muxaadaro iyo fataawe ugu jeediyeen dumar aad u faro badan masaajidka abu harayra ee magaalada boorama.

Sh. Maxamed Cabdi Umal ayaa sidoo kale maanta jimcihii waxaa uu ka galay khudbadii jimacaha masjidu jaamica Sh. Cali Jowhar ee magaalada Boorama.

no images were found

Dad waynaha ree boorama ayaan u kala hadhin soo dhawaynta iyo ka faa,iidaysiga sheikh maxamed cabdi umal . Dhanka kale salaadii jimce ka dib ayaa salaadiinta magaalada boorama oo uu hor kacayo suldaan c/raxmaan dhawal iyo culimo owdiinta gobolka owdal oo u hormuud u yahay sheikh c/laahi cali jowhar ayaa qado sharaf waxay la qaateen wafdiga culimada iyo ducaada ah ee uu hor kacayo sheikh muxamed cabdi umal hutel rays ee magaalada boorama.

Mu,asasada al-karam ayaa idiin soo gudbin doonta in sha allaahu wararka muxaadaraadka iyo acmaasha kale ee sheekhu ka wado S/land in sha allaah tacaalaa.

Mu,asasada al-karam
Halgan.net