.gif)
Wararkii ugu dambeeyey qaraxyadii xalay ka dhacay magaalada Nairobi
May 5, 2014 - Written by Editor
Nairobi:-Faahfaahin buuxda ayaa laga helayaa qaraxyadii xalay ka dhacay magaalada Nairobi.Laba qarax oo loo adeegsaday bambaanooyin ayaa makhribnimadii shalay lala beegsaday laba bas oo kuwa rakaabka qaada ah, kuwaasoo marayay waddada Dika ee bartamaha magaalada Nairobi.
Ilaa iyo hadda waxaa la xaqiijiyey dhimashada saddex qof, halka dhaawucuna uu gaarayo 60 qof, kuwaasoo ahaa rakaabkii labada bas iyo dad ka agdhawaa, waxaana dhaawacyada lagula tacaalayaa isbitaallo kala duwan.
Dadka khasaaruhu ka soo gaaray qaraxyada ayaa waxaa isugu jiraan rag dumar iyo caruur, iyadoona basaska ay soo gaareen burbur.Qaraxyadan ayaa waxa ay ku soo aadayaan xilli toddobaadyadii ugu dambeeyay xaafadda Islii ay ka saconayeen howlgallo lagu qabqabtay boqolaal Soomaali ah, kuwaasoo qaarkood loo celiyay dalka Soomaaliya, kuwo kalena ay weli xiran yihiin.Somalireal/Halgan.net
Nairobi
Nairobi
