Gudoomiyaha golaha wakiilada Puntland oo dib ugu soo laabtay Garoowe

Garoowe:-Gudoomiyaha Golaha Wakiillada Dawladda Puntland Cabdirashiid Yusuf Jibril iyo Wafdi oo uu hogaaminayey ayaa dib ugu soo laabtay magaalada Garoowe ee caasimada Puntland ka dib safar Saddex todobaad ah oo uu safar ugu maqnaa Dalka Jarmalka.

Gudoomiyaha Golaha Wakiillada Dawladda Puntland iyo Wafdigii uu hogaaminayay ayaa waxaa garoonka diyaaradaha ee Garoowe ku soo dhoweeyey Gudoomiye ku xigeenka 1aad iyo 2aad ee Golaha Wakiillada , Xildhibaano ,Wasiiro, iyo Saraal Ciidan.

no images were found

Gudoomiyaha Golaha Wakiillada Dawladda Puntland ayaa waxaa u mahad celiyey dhamaan cid walba oo ka qayb qaadatay soo dhaweyntiisa waxaan uu si gaar ah u xusay xubnaha golayasha dowladda Puntland iyo weliba bulshada qaybaheed kale duwan ee qaybta ka ahayd soo dhaweyntiisa
Gudoomiyaha Golaha Wakiillada Dawladda Puntland ayaa waxaa uu ka hadlay colaadihii dhawaan ka dhacay deegaano ka mid ah Gobolka Sanaag iyo weliba dagaaladii dhawaan ka dhacay degmada Dhuusamareeb iyo degmada Baladxaawo ee Gobolka Gedo.

——–Dhamaad—–
A/cawaale
Halgan.net