Madaxweyne ku xigeenka Puntland oo Xafiiskiisa ku qaabilay Madaxa UNOCHA

Garoowe:-Madaxweyne Ku-xigeenka Dowladda Puntland Mudane Axmed Cilmi Cismaan Karaash, ayaa Xafiiskiisa ku qaabilay Madaxa Iskudubaridka Arrimaha Bini’aadanimada UNOCHA ee Soomaaliya Mr Alexis Kamanzi, Kulanka ayaa looga hadlay xoojinta gurmadka Shacabka Maamulka Somaliland ku xasuuqayo Gobolka Sool.

“Si loo xoojiyo gurmadka Shacabka ku waxyeeloobay iyo kuwa ku barakacay Xasuuqa Soomaaliland ka wado magaalada Laascaanood waxaan kulan la qaatay Madaxa Iskudubaridka Arrimaha Bini’aadanimada UNOCHA ee Soomaaliya Mr Alexis Kamanzi.

Anaga oo kawada hadalnay sidii UNOCHA qayb uga qaadan lahayd taageerida dadka ku dhaawacmay iyo kuwa ku barakacay Xasuuqa Soomaaliland ka wado magaalada Laascaanood.” Ayuu yiri Madaxweyne Ku-xigeenka Dowladda Puntland, Mudane Axmed Cilmi Cismaan Karaash.

——-DHAMMAAD—–

XAFIISKA WARFAAFINTA MADAXTOOYADA DOWLADDA PUNTLAND.