Madaxweynaha Dowladda Puntland oo booqasho ku tegay deegaanka Qalwo ee ka tirsan Degmada Qardho

Qalwo:-Madaxweynaha Dowladda Puntland Mudane Siciid Cabdullaahi Deni iyo wafdi uu hoggaaminayo, ayaa maanta booqasho ku tegay deegaanka Qalwo ee ka tirsan Degmada Qardho, halkaasi oo Madaxweynuhu xariga ka jaray Dooxooyinka deegaanka Qalwo ee la xirmeeyay.

Madaxweynaha ayaa kormeeray Dhaam Biyoodka deegaanka laga sameeyay iyo Ceelka deegaanka Qalwo, isagoo warbixin ka dhegaystay Masuuliyiinta xarumaha u kormeeray iyo Maamulka deegaanka.

Sidoo kale Madaxweynaha Dowladda Puntland wuxuu kulan la qaatay qeybaha kala duwan ee Bulshada deegaanka Qalwo, oo uga mahadceliyay Waxqabadka Dowladdu ka hirgelisay deegaanka.

DHAMMAAD
XAFIISKA WARFAAFINTA MADAXTOOYADA DOWLADDA PUNTLAND.