Madaxweynaha PL iyo wafdi uu hogaaminayo oo gaaray Kismaayo.[Masawiro]

Garoowe:-Madaxweynaha dowladda Puntland, Siciid C/laahi Dani iyo wafdi uu hoggaaminayo ayaa goor dhow gaaray magaalada Kismaayo ee gobolka Jubbada Hoose, halkaasi oo si weyn loogu soo dhoweeyay.

Safarka Madaxweynaha dowladda Puntland, Siciid C/laahi Dani ayaa waxaa ku weheliya Madaxweynihii hore ee Puntland Cabdiraxmaan Faroole wasiiro , Xildhibaano,Issimo iyo saraakiil ka tirsan Madaxtooyada Puntland.

Safarka Madaxweynaha dowladda Puntland, Siciid C/laahi Dani ayaa waxaa uu ujeedkiisa yahay in uu ka qayb galo caleemasaarka Madaxweynaha jubbaland Axmed Madoobe oo ka dhici doonta magaalada Kismaayo.

Wafdiga Madaxweynaha dowladda  Puntland, Siciid C/laahi Dani ayaa waxaa soo dhaweeyey Madaxweynaha Jubbaland, Axmed Maxamed Islaam Madoobe iyo dadweyne aad u badan oo garoonka Kismaayo kusoo dhoweeyey.

Ciidamo ka tirsan Jubbaland ayaa Ammaanka Kismaayo aad u adkeeyey, kuwaas oo la dhigay wadooyinka iyo goobaha muhiimka ah ee magaalada Kismaayo.

no images were found

A/cawaale
Halgan.net