Bam Gacmeed caawa lagu weeraray Hotel Rooble ee magaalada Boosaaso

Boosaaso:-Wararka naga soo gaaraya magaalada Boosaaso ee xarunta gobalka Bari ayaa sheegaya in Bam Gacmeed lagu tuuray Hotel Rooble waxaana Bamka la tuuray ku dhimatay haweenay ah waxaana dhaawac fudud uu soo gaaray 5 qof oo kale

5 Qof ee uu soo gaaray dhaawaca Fudud waxaa ka mid ah  Xeer ilaaliyaha Maxkamada Darajada kowaad ee gobalka Bari Bashiir Ismaaciil Hoobalay. waxaana dhamaan dadkii dhaawac soo gaaray la geeyey Isbitaalka Boosaaso.

Weerarka caawa ayaa waxaa uu ku soo aaday xili todobaad ka hor uu qarax ismiidaamin ah uu ka dhacay magaalada Boosaaso kaas oo ay dad badan oo rayid ah ku dhaawacmeen.

Ciidamada Amaanka magaalada Boosaaso ayaa wada howlgalo lagu baadigoobayo cidii Bamka tuurtay ka wada gudaha Boosaaso ,waxaana ay ciidamada qabteen dhowr qof oo laga shakiyey.

M_M Deeq
Halgan.net