Nadwo cilmiyeedkii Sanadlaha ahayd oo ka bilaabatay magaalada Gaakacyo

Gaalkacyo: Habeenimadii xalay oo ku beegnayd 22- june -2014, ayaa waxaa ka bilowday magaalada Gaalkacyo ee xarunta Gobalka Mudug Nadwado cilmiyeedkii sanadlaha ahayd, nadwadaan oo noqonaysa tii 6aad oo lagu qabto Magaalada Galkacyo . Nadwadaan ayaa lagu wadaa inta ay socoto lagu falaqayn doono mawaadiic muhiim ah oo taabanaya bulshada. Nadwadan ayaa waxa ka qayb galaya culumo udiin ay ka mid yihiin:-

1-Sheekh C/casiis shiikh Cali.

2-Sheekh Aadam Muxamed Cigaal.

3-Sheekh Muxamed Macalim Axmed.

4.Sheikh C/casiis Axmed Aadam.

Culumada ayaa inta ay nadwadu socoto soo jeedin doona canaawiin ay ka mid yihiin:-

• فضل العلم وآداب المعلم والمتعلم

• المعاصي وأثرها السيء في المجتمع

• إصلاح القلوب أهميته وعلاجه

• أحكام الصيام

• التوبة والرّجوع إلى الله مع الختام.

Xalay oo ahayd habeenkii 1aad ee nadwada ayaa Sheekh C/casiis shiikh Cali waxa uu soo jeediyay, mowduucii ugu horeeyay ee nadwada, oo ah Fadliga cilmiga iyo aadaabta looga baahan yahay macalinka iyo ardayga.

Ugu horayn shiikhu waxa uu aad ugu dheeraaday ka hadalka fadliga uu cilmigu leeyahay , isagoo soo qaatay adilo badan oo cadaynaysa fadliga cilmiga iyo barashadiisa.

Intaa ka dib shiikhu waxa uu aad uga hadlay aadaabta looga baahan yahay macalinka iyo ardayga. Nadwadan ayaa sida lagu wado socondoonta muda shan maalmood ah.

Mu’ssadda Minhaaj
Galkacyo.Somalia