Madaxweynaha JFS oo gaaray magaalada B/weyne ee xarunta gobalka Hiiraan

Hiiraan:-Madaxweynaha DFS Dr. Xasan Sheekh Maxamuud iyo wafdi uu hogaaminayo ayaa maanta socdaal booqasho ah ku tahay magaalada B/weyne ee xarunta gobalka Hiiraan.Madaxweynaha iyo wafdigiisa  ayaa waxaa garoonka Diyaaradaha ee Ugaas Khaliif ku soo dhaweeyey mas’uuliyiinta maamulka gobolka, kan degmada iyo saraakiisha ciidamada DFS  , AMISOM iyo kuwa Itoobiya.

Madaxweynaha DFS Dr.Xasan Sheekh Maxmuud ayaa waxaa socdaalkiisa ku weheliya xildhibaanno ka tirsan golaha baarlamaanka DFS oo ka soo jeeda gobalka Hiiraan.

War-saxaafadeed ka soo baxay xafiiskiisa Madaxweynaha DFS Dr.Xasan Sheekh Maxmuud ayaa waxaa lagu sheegay in socdaalka madaxweynaha uu yahay in uu soo eego xaalada beni’aadamnimo, iyo dhibaatooyinka fataahadda iyo roobaab u geeysteen dadka  iyo deegaanka gobalka Hiiraan.

Madaxweynaha DFS Dr.Xasan Sheekh Maxmuud ayaa inta uu joogo magaalada B/weyne wuxuu kulamo la qaadan doonaa Waxgaradka Odayaaasha iyo maamulka gobolka, saraakiisha ciidamada DFS  iyo kuwa AMISOM.

A/Cawale
Halgan.net