.gif)
Afhayeenka dhinaca howlgalada ciidanka Al-shabaab oo shir jaraa,id ku qabtay Muqdisho
October 22, 2011 - Written by
Muqdisho:-Afhayeenka howlgalada ciidanka Al-shabaab Cabdi Casiis Abu Muscab ayaa saaka ka warbixiyey dagaal culus oo xalay ka dhacay magaalada Muqdisho dagaalkaas oo xalay intiisa badan uu ka dhacay inta u dhexaysa xaafadaha Ceelka Boonweer ee degmada Dayniile ,Isgoyska Eveco iyo jidka Warshadaha.
Sh Cabdi Casiis Abu Muscab ayaa saxaafada saaka u sheegay in xalay dagaalo qorsheysan ay ku ekeeyeen difaacyada ciidamada AMISOM iyo kuwa DFKM ayna ka saareen dhufeysyo badan kana dileen ciidamo kor u dhaafaya 20 askari.Dhanka kale Afhayeen ka howlgalada ciidamada Al-Shabaab Sh Cabdi Casiis Abu Muscab ayaa waxaa kale ooo uu ka war bixiyey dagaalkii cuslaa ee ka dhacay 20 bishan ee ka dhacay Degmada dayniile wuxuuna sheegay in cadadka marka la isku daro ay AMISOM ka dileen ilaa 300 askari ayna dhaawaceen ilaa 600 oo kale.
Ilaa hadda ma jiraan cid ka hadashay guulaha uu sheegay afhayeenka howlagalada ciidamada Al-shabaab Abu Muscab oo ka tirsan DFKM .
A/Cawale
Halgan.net
