Diyaarado duqeymo ka shalay geystay deegaanka Qooqaani ee gobalka J/hoose

Kismaayo:-Wararka naga soo gaaraya  magaalada Kismaayo ee xarunta gobalka J/hoose ayaa sheegaya in diyaarado kuwa wax basaasa ee laga leeyahay dalka Mareykanka ay shalay duqeymo ka geysteen deegaanka Qooqaane  iyo Taabta oo ay haatan gacanta ku hayaan Ururka Al-Shabaab. Diyaaradaha  loo yaqaano DRONES ayaa duqeynta ay geysteen waxaa ku dhintay ilaa  29 qof oo iskugu jira xoolo dhaqato iyo ciidamo ka tirsan Al-Shabaab sida wariyaha Halgan.net ay u sheegeen dad goobjoogayaal ah.

Duqeynta ayaa waxaa kale oo ku dhaawacmay ilaa 28 qof  oo u badan dad xoolo dhaqato ah .Ciidamada Al-shabaab ayaa soo gaaray goobta la duqeeyey waxaana ay heegan galiyeen ciidamada difaaca kaga jiray deegaanka Taabto.Ciidamada DFKM iyo Ururka Raaskambooni ayaa dagaal kula jira ciidamada Al-Shabaab ee haatan gacanta ku haya inta badan gobalka J/hoose .

Dhanka kale ciidamo ka tirsan dowlada Kenya ayaa soo buuxiyey xadka u dhexeeya Soomaaliya iyo Kenya waxaana saaka oo dhan dul heehaabayey degmada Dhoobley  diyaaradaha qumaatiga u kaca oo laga leeyahay dalka Kenya.

A/Cawale
Halgan.net