Kulan lagu bixinaayay Mag u dhiman Beesha Cali Jibraahiil oo ka dhacay Qardho

Qardho:-Kulankaan ayaa waxaa ku dhacay Hoteelka Gufure ee degmada Qardho oo ay isugu yimaadeen Beesha Cismaan Maxamuud iyo Beesha Cali Jibraahiil, kulankaan ayaa waxa soo qaban qaabiyay Maamulka heer Degmo, heer Gobol iyo Madaxweynihii hore dowlada Puntland Gen. Maxamuud Muuse Xirsi  (Cadde) oo ahaa hogaamiyaha Nabada ee Puntland. 

Kulankaan ayaa waxaa looga hadlayay sidii ay beesha Cismaan Maxamuud uga garbixi laheyd beesha Cali Jibraahiil qeybtii ugu dhimneyd Marxuun Sida ku cad Qoraalkaan oo maxkamda ka soo baxay beelahana ay isku waafaqsan yihiin

no images were found

Ma ah markii ugu horeysay oo kulanka noocaan  oo kale ka dhaco degaanka degmada Qardho ee garbixida beelaha ay degaanka iyo xuduudka wadaagaan,  isla bishaan waxaa ka dhacay hotelka Gufure kulan looga garbaxaayay Beesha Dhulbahante oo Labo nin hada ka hore looga dilay degaanka B/Beyla iyo degmada Qardho. 

Mar aan wax ka weydiiyay Nabadoonada meesha ku sugnaa ayaa waxaa ii sheegay in ay u qorsheynsan tahay in kulamo noocaan oo kale ay ku guda jiraan sidii beelaha ay wax ka qabaan ay uga garbaxaan waxa ka maqana beelaha kalena ay  u raadsadaan. 

Waxaa kaloo noo socda shirar lagu soo afmeerayo garbixida iyo nabad wadaaga degaamada ay beesha la leedahay xududaha iyo kuwa ay wada degan yihiin, sidoo kale waxa lagu guda jiraa sidii loo afmeeri lahaa dhibaha ka dhacay isla magaalada. 

Faysal Ahemd Mohamed
Gardo. Karkaar Region