Faahfaahin Weerar lagu qaaday ciidamo ka tirsan Kenya oo ka dhacay Magaalada Mombasa

Mombasa:-Waxaa isa soo taraya khasaaro ka dhashay weerar maanta lagu qaaday ciidamo ka tirsan Booliska dalka Kenya kuwaas oo howlgal ka waday magaalada Mombasa waxaana lagu weeraray laba Bam oo kuwa gacanta laga tuuro ah .Weerarka ayaa waxaa ku dhaawacmay Ugu yaraan  10 askari oo ka tirsan ciidamada Booliska waxaana dhaawacoodu uu aad u liitaa 2 ka mid ah ciidamadii la weeraray .

Taliyaha ciidanka Booliiska ee magaalada Mombasa Aggrey Adoli  ayaa  sheegay in Askarta Booliska ah ee laweeraray ay u socdeen guri ku yaala Likoni oo ah xaafad ka tirsan Mombasa ka dib markii ay ka warheleen in halkaas uu hub yaalay laguna diyaarinayey weeraro ka dhan ah amaanka magaalada Mombasa.

Taliyaha ciidanka Booliska ee magaalada Mombasa Mr Adoli ayaa sheegay in markii ay gareen guriga agtiisa lagu bilaabay Booliska tacshiirad iyo Bamka gacanta laga tuuro ka dib uu ka dhashay dhaawac 10 askari oo Boolis ah oo haatan lagu dabiibayo isbitaalka Aga Khan.

Mr.Aggrey Adoli  Taliyaha Booliska ee magaalada Mombasa ayaa waxaa uu sidoo kale saxaafada u sheegay in ay dileen 3qof oo ku jirtay guriga ayna gacanta ku soo dhigeen hub ay ka mid yihiin Bistoolad ,qori ah nooca AK 47 , rasaas iyo laba bamba gacmeed iyo qalab kale .

A/Cawale
Halgan.net