Nabadoon Ahmed Sheekh oo caawa lagu dilay magaalada Kismaayo ee xarunta J/hoose

Kismaayo:-Wararka caawa naga soo gaaraya magaalada Kismaayo ee xarunta gobalka J/hoose ayaa sheegaya in caawa lagu dilay gudaha magaalada Kismaayo Nabadoon caan ka ahaa magaalada oo lagu magacaabo Ahmed Sheekh  kana soo jeeda Beesha Absame .

Alaha u naxariistee Nabadoonka Ahmed Sheekh ayaa waxaa la dilay xili uu ka soo baxay Salaadii Maqrib uuna ku sii jeeday xaafadiisa oo ku taal  xaafada Via Afmadow .

Kooxdii dilka u geysatay Nabadoon Ahmed Sheekh ayaa goobta ka baxsaday waxayna ahaayeen kooxda dilka geystay kuwa afka u duubnaayeen

Ilaa hada lama yaqaan wax loo dilay Nabadoon Ahmed Sheekh oo aan wax shaqo ah ama luga ku lahayn siyaasad is diidan ee gobalka J/hoose.

Halgan.net oo caawa xiriiro kala duwan la sameysay ilo wareed lagu kalsoon yahay ayaa waxay noo sheegeen in Nabadoon Ahmed Sheekh ay u badan tahay in loo dilay aano qabiil .

Ciidamada huwanta ee ku sugan magaalada Kismaayo ayaa caawa Bandow ku soo rogay magaalada waxaana ay wadaan howlgalo lagu baarayo cida ka danbeysa dilka Nabadoon Ahmed Sheekh.

Sahal Ahmed
Halgan.net