Qarax ismiidaamin ah oo ka dhacay Koontaroolka Baar Ismaaciil ee Degmada Afgooye

Afgooye:-Wararka naga soo gaaraya Degmada Afgooye ee gobolka Shabeelaha Hoose ayaa sheegaya  in qarax is miidaamin ah uu ka dhacay maanta waxaana qaraxa fuliyey qof naftiisa ku xiray walxaha qarxa.

Qaraxa ayaa waxaa uu ka dhacay  Isgoyska Baar Ismaaciil ee Degmada Afgooye  waxaana ku dhintay qofkii is qarxiyey  sidoo kale waxaa  jira khasaaro gaaray ciidanka DFS balse wax faahfaahin ah lagama hayo.

Ciidamada Dowladda federaalka ee Soomaaliya ayaa soo gaaray goobta uu qaraxu ka dhacay iyaga oo halkaasi ka bilaabay howlgalo ay ku baarayaan cida soo abaabushay weerarkan.

Goobjoogayaal ku sugnaa meel ku dhow Koontaroolka Baar Ismaaciil ee uu qaraxu ka dhacay ayaa sheegay inay arkeen 3 askari dhaawac ah oo dhulka yaal balse guddoomiye ku xigeenka degmada Afgooye, ayaa sheegay in ciidanka DFS aysan soo gaarin wax khasaaro ah.

A/Cawale
Halgan.net