Garoonka Diyaaradaha ee Afmadow oo dayactirka lagu sameeyay

Afmadow:-Garoonka Diyaaradaha ee Degmada Afmadow ee gobolka Jubbada Hoose oo mudo ka badan 5sano xirnaa ayaa shalay dib loo howlgaliyey ka dib markii maamulka Degmada oo kaashamaya ganacsatada deegaanka  iyo dadweynaha ku dhaqan Degmada Afmadow ay dayctir ku sameeyeen.

Guddoomiyaha Degmada Afmadow, C/qaadir Aadan Cismaan ayaa warbaahinta u sheegay in dayactirka lagu sameeyey Garoonka Diyaaradaha ee Degmada Afmadow waxaana uu xusay in ay qeybweyn ka qaateen ganacsatada  Degmada Afmadow ee gobolka Jubbada Hoose.

C/qaadir Aadan Cismaan Guddoomiyaha Degmada ayaa ugu baaqay hay’adaha samafalka in ay gurmad u fidiyaan shacabka degan iyo kuwa ku soo barakacay Degmada Afmadow.

Maamulka Degmada Afmadow ayaa sidoo kale Dayactir ku sameeyey isbitaalka guud ee Degmada waxaana ay codsi u direen hay’adaha caalamiga ah ee samafalka bixiya in ay Isbitaalka la soo gaaraan dawooyin .

Guddoomiyaha Degmada Afmadow, C/qaadir Aadan Cismaan ayaa sheegay in Garoonka Diyaaradaha ee Afmadow uu haatan shaqo bilaabay uuna diyaar yahay in ay diyaaradaha ku soo dagaan.

Cabdi Yare
Kismaayo