Wasiirka G/Dhiga ee DFS oo gaaray Degmada Garbaharey ee gobalka Gedo

Gedo:-Wasiirka Gaashaandhiga ee DFS Maxamed Sheekh Xasan Xaamud  iyo wafdi uu hogaaminayo ayaa maanta gaaray magaalada Garbaharey ee xarunta Gobolka Gedo waxaana wasiirka socdaalkiisa ku weheliya saraakiil ka tirsan DFS.

Wasiirka Gaashaandhiga ee DFS Maxamed Sheekh Xasan Xaamud  ayaa waxaa uu maanta kulamo kala duwan la qaatay Maamulka Degmada Garbaharey  ,Odayaasha  iyo waxgaradka.

Maxamed Sheekh Xasan Xaamud Wasiirka Gaashaandhiga ee DFS ayaa waxaa ujeedada socdaalkiisa lagu sheegay in uu wax ka soo qabto khilaafka ka dhex aloosan qaar ka mid ah siyaasiyiinta gobalka Gedo kaas oo sababay marar kala duwan gacan ka hadal.

Wasiirka Gaashaandhiga ee DFS Maxamed Sheekh Xasan Xaamud  ayaa waxaa la filayaa in maalmaha soo socda uu gaaro magaalada Beled-Xaawo halkaas oo dhiilo colaadeed ay ka aloosan tahay taa u dhexeysa maleeshiyaad kala taageersan Guddoomiyaha gobolka Gedo Maxamed Cabdi Kaliil  iyo guddoomiyihii hore ee degmada Doolow C/rashiid Janan.

A/Cawale
Halgan.net