Madaxweynaha dowladda Puntland oo soo gaaray magaalada Boosaaso ee xarunta Gobolka Bari.[Dhagayso]

Boosaaso:-Madaxweynaha dowladda Puntland Dr. C/weli Maxamed Cali Gaas iyo wafti uu hogaaminayo oo ka soo kicitimay dalka Imaaraadka Carabta ayaa ka degay garoonka diyaaradaha ee magaalada Boosaaso ee xarunta Gobolka Bari. Wafdiga Madaxweynaha dowladda Puntland Dr C/weli Maxamed Cali Gaas ayaa waxaa ku soo dhaweeyey garoonka diyaaradaha ee Boosaaso maamulka gobolka Bari iyo kan degmada iyo qaybaha kale duwan ee bulshada.

Madaxweynaha dowladda Puntland Dr Cabdiweli Maxamed Cali Gaas ayaa waxaa uu ka hadlay colaada ka aloosan magaalada Gaalkacyo oo maalmihii danbe ay ka dhaceen dagaalo sababay in dadweynaha qaarkiisa ay ka qaxaan xaafadahoodii ay deganaayeen.

Madaxweynaha dowladda Puntland Dr Cabdiweli Maxamed Cali Gaas  ayaa waxaa uu ku eedeeyey dagaalka ka socda magaalada Gaalkacyo ee xarunnta Gobolka Mudug madaxda dowladda Federaalka Soomaaliya isagoo sheegay in ay adag tahay in dowladnimo lala wadaago madaxda Federaalka soomaaliya ee ku sugan Muqdisho oo dagaalka iyo duulaan ku ah deegaanada Puntand gaar ahaan Gaalkacyo waa sidda uu hadlkiisu u dhigaye.”

Madaxweynaha dowladda Puntland Dr Cabdiweli Maxamed Cali Gaas  ayaa ugu baaqay shacabka Puntland in ay adkeystaan nabadgelayadooda wixii iyaga u dhexeeyana ay ku dhamaystaan si nabad gelyo ah.

Hoos ka Dhagayso shirka Jaraa’id Madaxweynaha dowladda Puntland Dr Cabdiweli Maxamed Cali Gaas

Halkaan ka Dhagayso Mp3

M_M_Deeq
Halgan.net