Madaxweynaha Puntland oo u amba baxay dalka Itoobiya ugana sii gudbi doona Imaaraadka Carabta (Masawiro)

October 15, 2016 - Written by Editor
img_8874Madaxweynaha Dawladda Puntland Dr. Cabdiweli Maxamed Cali Gaas ayaa maanta 15 October, 2016 Garoonka diyaaradaha ee Konoko kusoo dhoweeyey Ra’iisul-wasaaraha dawladda Federaalka Soomaaliya Cumar Cabdirashiid Cali Sharmaarke iyo wafdi uu hoggaanayey oo ka kooban labada gole ee dawladda Federaalka.
 
Soo dhoweynta Ra’iisul-wasaaraha ayaa waxaa ka qayb qaatay Madaxweyne ku-xigeenka dawladda Puntland Eng. Cabdixakiim Cabdullaahi Cumar Camey, Guddoomiyaha Baarlamaanka Axmed Cali Xaashi, guddoomiye kuxigeenka koowaad ee Baarlamaanka, Wasiirro, Xildhibaano iyo dadweyne kale oo tiro badan.
 
Soo dhoweyn kadib Madaxweynaha iyo Ra’iisul-wasaaraha ayaa kulan gaar ah ku wada qaaday gudaha Garoonka diyaaradaha ee Konoko iyadoona shirkooda kadib ay si wada jir ah ula hadleen qaybaha kala duwan ee warbaahinta.
 
Madaxeynaha dawladda Puntland ayaa sheegay In ujeedka socdaalka Ra’iisul-wasaaruhu ay salka ku haysey ka qayb-qaadashada xal u helida shaqaaqooyinkii soo noqnoqday ee ka dhacay magaalada Gaalkacyo, isla markaana Madaxweynuhu waxa uu tilmaamay in ay dawladda Puntland diyaar u tahay wax walba oo wanaag lagu gaari karo laguna ilaalinkaro deris wanaagga iyo walaaltinimad dadka reer Gaalkacyo.
 
Sidoo kale Madaxweynuhu waxa uu tibaaxay in uu Ra’iisul-wasaaruhu indha indhayn doono qaabka ay Puntland uga socoto hirgelidda hannaanka geeddi-socodka dorashooyinka dadban iyo sida ay shacabka reer Puntland ugu diyaar garoobeen.
 
Dhinaca kale Ra’iisul-wasaaraha Soomaaliya Cumar Cabdirashiid Cali Sharmaarke ayaa sheegay in uu magaalada Cadaado kulamo kula soo qaatay Madaxda maamulka Galmudug isla markaana uu kala hadlay sidii ay docdooda u joojin lahaayeen colaadda Gaalkacyo, iyadoona uu xusay Ra’iisul-wasaaruhu in uu maamulka Galmudug jeediyey baaq nabadeed oo ay ku doonayaan xal u helidda Gaalkacyo.
 
Ugu dambayn Madaxweynaha dawladda Puntland Dr. Cabdiweli Maxamed Cali Gaas ayaa u amba baxay magaalada Addis Ababa ee xarunta Waddanka Itoobiyada isagoona kusii jeeda waddanka isutagga Imaaraadka Carabta halkaas oo uu kulamo kula qaadan doono Madaxda ugu sarraysa dalkaasi.
 
Madaxeynaha ayaa tilmaamay in ujeedka socdaalkiisa ee Imaaraadku uu salka ku hayo sidii ay dawladda Imaaraadka Carabta ugala hadli lahaayeen arrimo muhim ah oo la xiriira mashaariicda horumarineed iyo dhimaha kaabayaasha dhaqaalaha ee Puntland oo ay ka mid tahay barnaamijka ballaarinta dekedda magaalada Boosaaso.
 
—DHAMMAAD—
XAFIISKA WARFAAFINTA, WACYIGELINTA, HIDDAHA IYO DHAQANKA EE MADAXTOOYADA DAWLADDA PUNTLAND.

Leave a comment

*

Archives
October 2016
M T W T F S S
 12
3456789
10111213141516
17181920212223
24252627282930
31  
English Article
PRESS RELEASE-THE GOVERNMENT OF PUNTLAND STRONGLY OPPOSES THE MOGADISHU COMMUNIQUÉ PURPORTING TO ADOPT AN ELECTORAL MODEL FOR 201    January 29, 2016
Uganda says to pull out troops from Somalia over Congo charges    November 2, 2012
CIA Secret Prison in Somalia. P – 1    October 29, 2012
Puntland Condemns Terrorist Attack on Civilians at Mogadishu Restaurant    September 22, 2012
Puntland Welcomes Election of New President of the Federal Republic of Somalia    September 11, 2012
Somali Links
Fatwa Online