Madaxweynaha JFS oo gaaray Baydhabo[Masawiro]

Baydhabo:-Waxaan goor dhaw soo gaaray magaalada Baydhabo ee xarunta Gobolka Bay wafdi uu hogaaminayo madaxweynaha dowladda Federaalka Soomaaliya Maxamed C/laahi Farmaajo si ay uga qayb galaan munaasabadda caleema-saarka Madaxweynaha Dowlad Goboleedka Koonfur Galbeed Mudane C/casiis Xasan Maxamed (Lafta-Gareen) oo maanta ka dhacaysa magaalada Baydhabo.

Wafdiga Madaxweynaha dowladda Federaalka Soomaaliya ayaa waxaa
ku soo dhaweeyey garoona diyaaradaha ee magaalada Baydhabo wafdi wasiiro ah oo ka tirsan dowladda Federaalka Soomaaliya , gudoomiayaha Baarlamaanka , Madaxweyanaha cusub ee Koonfur Galbeed Cabdicasiis Xasan Maxamed (Lafta-Gareen), wasiirko ka tirsan maamulka Koonfur Galbeed, maamulka Gobolka Baydhabo iyo odayaasha dhaqanka.

Madaxweynaha dowladda Federaalka Soomaaliya Maxamed C/laahi Farmaajo ayaa markii uu gaaray magaalada Baydhabo waxaa uu u mahadceliyey masuuliyiinta Dowladda Federaalka iyo kuwa Koonfur Galbeed, odayaasha dhaqanka, culumada, dhallinyarada, haweenka iyo shacabka Baydhabo ee sida diirran ugu soo dhaweeyay magaalada Baydhabo.

Dhinac kale waxaa maalintii shalay gaaray magaalada Baydhabo ee xarunta Gobolka Bay wafdi balaadhan oo ka tirsan Puntland ayna kala hogaaminayaan madaxweyne ku xigeenka Puntland, Gudoomiyaha Baarlamaanka dowladda Puntland iyo masuuliyiin kale.

no images were found

A/cawaale
Halgan.net