.gif)
Madaxweynaha Galmudug oo bogaadiyey guulaha ciidamada DFS iyo kuwa Galmudug
January 17, 2023 - Written by EditorGaalkacyo:-Dowladda Galmudug waxay bogaadineysaa howlgalka Ciidanka Xoogga Dalka, iyo ciidanka kacdoonka shacabka ay ku xoreeyeen Degmada Ceeldheer.
howlgal qorsheysan oo ay si wadajir ah u fuliyeen ciidanka Xoogga Dalka iyo ciidamada Kacdoonka shacabka oo iskaashanaya ayaa si buuxda gacanta ugu dhigay Degmada Ceeldheer ee Gobolka Galgaduud.
Madaxweynaha Dowladda Galmudug mudane Axmed Cabdi Kaariye ayaa hambalyo iyo bogaadin u diray Ciidanka Xoogga Dalka iyo ciidamada Kacdoonka shacabka ee ka dhanka ah khawaarijta.
Dhinaca kale, Madaxweynaha Dowladda Galmudug ayaa sheegay in howlgaladu sii socon doonaan ilaa laga xoreeyo kooxda Khawaarijta ah Galmudug iyo Soomaaliya inteeda kaleba.
———Dhamaad—–
