Ciidamada AMISOM iyo Kuwa DFKM oo Bam lagu weeraray

Muqdisho:-Ugu yaraan saddex qof oo ay laba ka mid ah yihiin askar ka tirsan ciidamada DFKM ayaa ku dhaawacmay weearar bam ah oo lagu qaaday xarunta  dhismaha jaamacada Gahayr oo saldhig u ah ciidamada AMISOM .

Weerarkan oo ahaa miino dhulka lagu aaso ayaa waxaa loo dhigay ciidamada DFKM iyo kuwa AMISOM geed ay fariisan jireen oo ku yaal banaanka dhismahiii jaamacada Gahayr.

Goobjoogayaal ku sugnaa agagaarka xarun  dhismaha jaamacada Gahayr ayaa sheegay in ay indhahooda ku arkeen dhimashada 2askari oo ka tirsan DFKM iyo mid dhaawac culus ah oo ay miinado ka goysay lugta .

Qaraxa ka dib ayaa waxaa rasaas badan riday ciidamada Burundi iyo kuwa DFKM waxaana ay rasaasta dhaawacday laba haween oo wadada marayey.

Ciidanka Al-Shabaab ayaa waxay badaleen dagaalkii tooska ahaa ay la gali jireen ciidamada DFKM iyo kuwa AMISOM waxayna u badaleen dagaal dhuumaaleysi ah iyo qaraxyo lala eegto xarumaha ay ku sugan yihiin ciidamada  DFKM iyo kuwa AMISOM
A/Cawale
Halgan.net