Midnimo iyo UDAD oo qaadacay doorashooyinka golayaasha degaanka ee Puntland

Garoowe:-Ururada Siyaasada ee Midnimo iyo UDAD ayaa waxaa ay manta si rasmi ah u shaaciyeen in aysan ka qabgeli doonin  doorashooyinka golaha degaanka ee Puntlland oo dhawaan la qaban doono. Shirjaraa’id oo ay maanta 2-da urur ku qabteen magaalada Garoowe ayaa waxaa ay ku sheegeen  in ay qaadaceen in ay ka qab galaan doorashooyinka golaha degaanka ka dib markii Gudiga doorashooyinka ee Puntlland  ay wax ka bedeleen xeerarkii doorashooyinka golayaasha degaanka.

2-da urur siyaasadeed ayaa ku eedeeyey gudiga doorashooyinka ee Puntlland in uusan ahayn mid madaxbanaan  dhexdhexaadna ka noqon kara qaab siyaasadeedka loo asteeyey in Puntlland u dhaqaaqdo.

Gudoomiyaha Ururk siyaasadeedka UDAD Saciid Faarax Maxamed oo la hadlay saxaafada ayaa waxaa uu faahfaahin kooban ka bixiyey sababaha ay u qaadaceen in ururkoodu uu ka qayb galo golaha doorashooyinka waxaan uu tilmaamay in xeerarkii doorashooyinka ay ka bedeleen gudiga doorashooyinka ee Puntlland.

Dhinac kale Gudoomiye ku xigeenka Urur siyaasadeedka Midnimo Maxamed Cabdi Nuur Xirsi oo isagana la hadlay saxaafada ayaa xusay in ururkoodu uu mid u taagan in Puntlland ay ka gudubto qaabka beeleedka una gudubto qaabka dhinac Xisbiyada balse arrinkaas uu ka suuroobi waayey gudiga doorashooyinka Puntlland oo qodobadii ugu muhiimsanaa ee Golaha doorashooyinka wax ka bedeleen.

Qodobada ugu muhiimsan ee 2-da urur ay ka biyo diideen ayaa ah ka dib markii gudiga doorashooyinka ee Puntlland ay xeerka doorashada degaanka u dhacayso ay ka saareen:-

1-      In la sameeyo tirakoob guud ee degaanada Puntland  iyo

2-      In dadka doorashada ka qayb galaya loo sameeyo aqoonsi.

M_M_Deeq
Halgan.net