Raisulwasaaraha DFS oo maanta booqday Maxkamadda gobolka Banaadir iyo isbitaal Madiina

Muqdisho:-Raisulwasaraha DFS Cabdi Faarax Shirdoon oo ay weheliyaan qaar ka mid ah golihiisa wasiirada ayaa goordhow booqday xarunta maxkamadda gobolka Banaadir iyo isbitaal Madiina. Raisulwasaaraha DFS Cabdi Faarax Shirdoon (Saacid ) ayaa waxaa socdaalkiisa ku weheliyey  wasiirka G/dhiga ee DFS Cabdixakiin Xaaji Maxamuud Fiqi.

Waxaa haatan ka socda xarunta Maxkamada gobalka Banaadir kulan ay albaabada u xiran yihiin waxaana kulanka ka qeybgalaya Ra’iisulwasaare Saacid iyo saraakiil iyo garsoorayaal ka tirsan Maxakamada gobalka Banaadir. Ra’iisulwasaaraha DFS Cabdi Faarax Shirdoon ayaa waxaa kale oo booqasho ku tagay isbitaal Madiina ee magaalada Muqdisho waxaana uu soo indho indheeyey dadkii ku dhaawacmay weerarkii shalay lagu qaaday xarunta Maxakamada ee gobalka Banaadir waxaana uu warbixino ka dhageystay dhaqaatiirta isbitaalka Madiina .

Weerarkii shalay lagu qaaday xarunta Maxkamada ee gobalka Banaadir ayaa waxaa ku dhintay ilaa 29 qof waxaana ku dhaawacmay ilaa 60 qof sida ay xaqiijiyeen saraakiisha isbitaalada magaalada Muqdisho.

A/Cawale
Halgan.net