Guddoomiyaha golaha baarlamaanka Puntland Cabdirashiid Maxamed oo gaaray Galdogob

Galdogob :-Guddoomiyaha golaha baarlamaanka Puntland Cabdirashiid Maxamed Xirsi iyo wafdi la socda oo maalmahaan ku sugnaa magaalada Gaalkacyo ee xarunta Gobolka Mudug ayaa maanta safar shaqo ku gaaray degmada Galdogob ee gobolka Mudug .

Guddoomiyaha golaha baarlamaanka Puntland Cabdirashiid Maxamed Xirsi iyo wafdi la socday ayaa si diiran loogu soo dhaweeyey degmada Galdogob iyadoo dad weyne fara badan ay iskugu soo baxeen wadooyinka magaalada.

Guddoomiyaha golaha baarlamaanka dowllada Puntland Cabdirashiid Maxamed Xirsi ayaa waxaa safarkiisa ku weheliya wasiirrada caddaallada,Cabdi khaliif Ayaajo , Guddoomiyaha Gobolka Mudug Maxamed Yuusuf Jaamac ,Saraakiil ka tirsan ciidanka daraawiishta ee Gobolka Mudug.

Wafdiga Guddoomiyaha golaha baarlamaanka dowllada Puntland Cabdirashiid Maxamed Xirsi ayaa waxaa la filayaa in maalmaha soo socda ay kulamo kale duwan ay la qaataan, qaybaha bulshada ee ku dhaqan degmada Galdogob gaar ahaan maamulka magaalada iyo Isimada dhaqanka iyo Nabadoonada degmada Galdogob

M_M_Deeq
Halgan.net