Ciidamo Itoobiyaan ah oo saldhiga ka samaystay Is-goyska Kalabeyrka

Hiiraan:-Ciidamo Itoobiyaan ah oo gaadiid dagaal ku hubeysan  ayaa mar kale waxaa ay soo galeen Is-goyska  Kalabeyrka ee bartamaha dalka Soomaaliya, ciidamadaan itoobiyaanka ah ayaa maalmo ka hor waxaa ay soo galeen isla Is-goyska  Kalabeyrka waxayna ka samaysteen Saldhigyo iyagoo ka yimid dhinac degaanka Feer Feer.

Ciidankaan Itoobiyaanka ah ayaa waxaa la socda kuwa Soomaali ah oo doonaya in ay weeraro ku qaadaan degaano ka tirsan Gobolka Hiiraan oo ay gacanta ku hayaan ururka Al-shabaab, dadka socotada ah  ee ku safra Is-goyska  Kalabeyrka ayaa waxaa soo foodsaaray cabsi ay ka qabaan ciidanka Itoobiyaanka ah.

Ciidanka Itoobiyaanka ah ayaa la filayaa in uu qayb ka yahay qorshe ay dejiyeen Midowga Afrika (IGAD) kana doonayaan in ay la wareegaan Soomaaliya gaar ahaa Gobollada ay gacanta ku hayaan ururka Al-shabaab iyo weliba kuwa ay ka jiraan maamulada
soo gelitaanka ciidanka Itoobiyaanka ee Is-goyska  Kalabeyrka ayaa waxaa ay ku soo beegmaysaa xili ay ciidanka dalka Kenya iyo kuwa Soomaali ah ay qabsadeen degaano ku yaal Gobolka Jubada Hoose.

A/cawaale
Halgan.net