Qaraxyo ka dhacay magaalada Nairobi ee xarunta dalka Kenya[Video]

May 16, 2014 - Written by Editor

Nairobi:-Waxaa maanta labo qarax oo is xiga ay ka dhaceen magaalada Nairobi gaar ahaan Suuqa Gikomba ee ku yaal magaalada Nairobi ee caasimada dalka Kenya , qarax koowaad ayaa la sheegayaa in ay ku dhinteen ilaa 4 qof halka tiro dhaawac ay jirto. Qaraxyadda ka dhacay Nairobi ayaa uu ku soo beegmaya xili maalin ka hor uu hogaamiyaha Al-shabaab Axmed Cabdi Godane uu fariin cod ah oo uu soo diray uu ku sheegay in dhaqaalaha Kenya uu hoos u dhacay isagoo uga digay in ay sii socdaan dhibaatada ay dowladda Kenya ku hayso Muslimiinta.

Ma jiro ilaa hadda koox sheegtay qarax balse qarax ayaa ku soo beegmaya sidoo kale ka dib markii dowladdaha Ingriiska iyo Maraykanka ay sheegeen in muwaadiniitooda ay isaga baxaan Kenya ka dib cabsi ay sheegeen in ay ka qabaan weeraro argagixisnimo oo ka dhaca gudaha dalka Kenya.

Dad badan oo Soomaali ah ee ku nool Nairobi ayaa saaka waxaa ay is wiidiinayaa wax isku beegay digniinta dowladdaha Ingiriisa iyo Maraykanka ay u direen shacabkood ku sugan Kenya iyo fariinta uu soo diray hogaamiyaha Al-shabaab Axmed Cabdi Godane ee uu ugu digayo dowladda Kenya.

Weerarka ka dhacay maanta Nairobi ayaa warar hordhac ah oo soo baxaya waxaa ay sheegayaan in qarax kowaad uu ahaa Bamka gacanta laga tuuro oo lala beeggsaday gaari kuwa rakaabka ah oo ay saarnaayeen ilaa 14 qof halka qarax labaad uu ka dhacay gudaha Suuqa Gikomba.

Saraakiisha caafimaadka ee Kenya ayaa warbaahinta u sheegay in ilaa 10 qof oo dhaawac ah la gaarsiiyey rugaha caafimaadka ee ku yaal magaalada Nairobi walow warbaahinta dalka Kenya ay baahinayaan in dhaawacu gaarayo 70 qof lagana yaabo in uu intaas ka bato.

no images were found

Madaxweynaha Kenya Uhuru Kenyatta oo shacabka Kenya kala hadlay warbaahinta ayaa aad u cambaareeyey qaraxyadda ka dhacay magaalada Nairobi isagoo caafimaad u rajeeyey dadkiisa ku dhaawacmay 2-da qarax.

Hoos ka Daawo Video dadka wax ku noqday qarax Nairobi