Imtixaankii sanad-dugsiyeedka oo u bilowday ardayda sanadka 3aad ee machadka Al-furqaan Lascanod.[Masawiro]

Laascaanood:-Machadka alfurqaan ee culuumta shareecada iyo luqadda carabiga ee magaalada Lascanod ayaa maanta oo bishu tahay 17-05- 2014 waxaa ka bilowday imtixaankii sanad-dugsiyeedka ardayda ka baxaysa machadka ee sanadka 3aad. Tirada ardayda imtixaanka u fadhiisatay ayaa guud ahaan ah 167 arday kuwaas oo isugu jira 84 wiil iyo 83 gabdhood,iyadoo ay ardaydani noqonayaan dufcadii 6aad ee ka baxda machadka .

maamulaha machadka alfurqaan sh.yuusuf haybe Ibraahim ayaa sheegay in imtixaanku maanta u bilowday si habsami leh  kuna soo dhamaaday jawi wanaagsan,ayna filayaan in uu maalmaha soo socdana haddii alle idmo – sidaas oo kale ugu qabsoomi doono,isla markaana uu imtixaanku ku eg yahay 02-06-2014.

no images were found

Ugu dambayntiina waxa xusid mudan in machadka alfurqaan ee magaalada lascanod uu sanad walba soo saaro arday badan oo isugu jira wiil iyo gabdhaba,kuwaas oo ka qaybqaata dacwada iyo waxbarashada ka socota deegaanada kala duwan ee Gobolka Sool,iyadoona machadka iminka la dhigto xilliyada subaxdii iyo habaynkii tirada ardayduna ay guud ahaan noqonayaan 650 arday marka laga reebo ardaydan  imtixaanka u fadhiisatay ee  dhamaysana machadka.

Halgan.net