Ciidanka Booliska ee gobalka Karkaar oo gacanta ku dhigay Lacago Faalso ah (Daawo)

Qardho:-Howlgalo ay sameeyeen ciidanka Booliska ee magaalada Qardho ee xarunta gobalka Karkaar ayaa waxaa ay gacanta ku soo dhigeen lacago Faalso ah oo la soo galiyey magaalada Qardho.

Taliyaha Booliska ee magaalada Qardho Siciid Xirsi Ibraahim ayaa sheegay in ciidanka Nabadsugida ee Puntland (PIS) ay ku soo wargaliyeen in magaalada Qardho la soo galiyey lacago dollar faalsa ah  oo gaaraya ilaa 8000 USD ah ka dibna ay howlgalo ay sameeyeen ku soo qabteen lacag gaareysa 5000 USD ah .

Taliya Booliska ee magaalada Qardho ayaa sidoo kale sheegay in ay gacanta ku soo dhigeen eedeysanayaal soo galiyey lacagta faalsada ah Qardho wuxuuna intaas ku daray in rag kale ay ku daba jiraan.

Duqa Degmada Qardho Maxamed Siciid ayaa ugu baaqay dadweynaha ku dhaqan magaalada Qardho in ay ka foojignaadaan lacagta faaliska ee la soo galiyey Degmada Qardho waxaana uuna ugu baaqay dadweynaha ku dhaqan gobalka Karkaar in ay la shaqeeyaan ciidanka Booliska .

Hoos Ka Daawo Taliyaha Degmada Qardho iyo Duqa magaalada Qardho oo warbixinaya Lacagaha Faaliska ee la soo galiyey Qardho.

M_M Deeq
Halgan.net