Dawladda Biritan oo markii ugu horeysay Safaarad ka furatay Muqdisho

Muqdisho:-Ka dib socdaalkii oo maanta ku yimid magaalada Muqdisho Xoghayaha Arrimaha Dibedda ee dalka Biritan William Hague iyo wafdi uu horkacayo ayaa waxaa ay Dawladda Biritan shaacisay in ay dib u howgalisay safaaradii ay ku lahaan magaalada Muqdisho ka dib kulamo gooni gooni ah oo wafdiga Hague uu la yeeshay madaxada sare ee DFS.

Dawladda Biritan ayaa 22 sano ka hor ka daadgureysatay magaalada Muqdisho diblomaasiyiintii u joogtay Soomaaliya ka dib markii uu qarxay dagaalkii sokeeyey kaas oo aan dal iyo duunyabada reebin.

Munaasabadda lagu furayay safaaradda dowlada Biritan ayaa waxaa goobjoog ka ahaa madaxweynaha DSF  Xasan Sheekh Maxamuud ,Ra’iisul Wasaare Cabdi Faarax Shirdoon , Xoghayaha Arrimahja Dibadda ee Biritan William Hague iyo dublamaasiyiin kale .

Madaxweynaha DFS Xasan Sheekh Maxamuud ayaa sheegay in uu ku faraxsan yahay in dib loo dhagax dhigo safaaradda dowlada Biritan wuxuuna xusay in furista Safaarada Uk ay daliil u tahay in magaalada Muqdisho ay ka jiro nabadgalyo .

Dowlada  Biritan ayaa noqoneysa dowladii ugu horeysay ee reer Yurub ah oo Safaarad ka furta magaalada Muqdisho

A/Cawale
Halgan.net