Digniin iyo Baaq Been Abuur laga sameeyey Sh.Maxamuud Shible

Been abuurka laga sameeyo culumada dalka Soomaaliyeed oo ay sameeyaan kuwa ka dhar la,diinta Islaamka ayaa xitaa gaaray in Face booka iyo twitterka iyaga oo bilaabay in ay qoraalo been ah ka sameeyaan culumada ama sawiro qaawan galiyaan page-ka Face book ay leeyihiin culumada .Been Abuurka laga sameeyey culumada waxaa u danbeeyey Shiikh Maxamuud Shible ka dib markii ay magaca Sh.Maxamuud Shibe ay ku sameysteen Page -Face Book ah iyaga oo ku qora waxyaaba uusan Sheekhu shaqo ku lahayn.Sheekh Maxamuud Shible ayaa la soo xiriiray Halgan.net waxaana uu na soo gaarsiiyey bayaan uu umada Soomaaliyeed uga digayo kuwa munaafiqiinta ah ee beenta ka sheega culumada.

Hoos ka Akhriso Bayaanka Sheekh Maxamuud Shible uu caawa soo gaarsiiyey Halgan.net

OGAYSIIS IYO DIGNIIN

Assalaamu Calaykum

Salaan Ka dib 

Anigoo ah Sh. Maxamuud Sh. Maxamed Shibli waxaan u sheegayaa dhamaan dadka ku taxan shabakaddaha Inernet-ka guud ahaan, gaar ahaan shabakaddaha Facebook-ga in aanan lahayn wax Facebook ah oo ku furan magacayga ama magac kale.Waxaan cadaynayaa in dhamaan shabakaddaha ku furan magacayga ee Facebook-ga ah yihiin been abuur aan waxba ka jirin.

Sidaas darteed waxaan dadka uga digayaa in ay ku kadsoomaan qoraalada ku soo baxa shabakaddahaas ee laga dhigayo in aan anigu qoray ama leeyahay. Waxaa kale oo aan ugu nasiixaynayaa dadka ku furtay magacayga ee aniga iska dhigaya in ay  Allaah ka baqaan oo joojiyaan been abuurka.

Qore/Sh. Maxamuud  Sh. Maxamed Shible

22/04/2013 Nairobi – Kenya