Madaxweynaha DFS Xasan Sheekh oo gaaray magaalada Mombassa ee dalka Kenya

Muqdisho:-Madaxweynaha DFS Xasan Sheekh Maxamuud iyo wafdi uu horkacayo ayaa saakay u amabaxay magaalada Mombassa ee dalka Kenya, waxaana uu kulan la qaadan doonaa madaxweynaha dalka Kenya, Uhuru Kenyatta.

Wafdiga madaxweynaha DFS Xasan Sheekh Maxamuud ayaa waxaa socdaalkiisa ku weheliyey wasiiro ka tirsan DFS Xildhibaano iyo xubo kale oo ka tirsan labada gole.

Madaxweynaha DFS Xasan Sheekh Maxamuud ayaa casumaad ka helay dhigiisa dalka Kenya Uhuru Kenyatta waxaana ay ka wada hadli doonaan labada madaxweynaha howlgalada ciidanka AMISOM ee gobalada Gedo iyo Jubooyinka iyo Shirka maamul u sameeynta gobalada Jubooyinka oo ay ku kala aragti duwan yihiin DFS iyo Maamulka KMG ah ee magaalada Kismaaayo.

Madaxweynaha iyo wafdigiisa ayaa waxaa ku sii sagootiyey garoonka diyaaradaha ee Aden Cadde Raisulwasaaraha DFS Cabdi Faarax Shirdoon  iyo gudoomiyaha  baarlamaanka Maxamed Sheekh Cismaan (Jawaari)

Waaa socdaalkii Labaad ee uu madaxweynaha DFS Xasan Sheekh Maxamuud uu ka tago dalka Kenya ilaa intii loo doortay madaxweynah dowlada federaalka Soomaaliya.

Cabdi Yare 
Halgan.net