Sh Maxamed Ibraahim Shakuul oo sheegay in uu u taagan yahay madaxtinimada J/land

April 4, 2013 - Written by Editor

Kismaayo:-Sheekh Maxamed Ibraahim Shakuul oo ka mid ah ducaada iyo ganacsatada Soomaaliyeed ee ku dhaqan dalka Kenya ayaa sheegay in uu u taagan yahay qabashada xilka madaxtinnimo ee maamulka Jubbaland State waxaana uu hadalkaas sheegay mar uu maanta gaaray magaalada Kismaayo ee xarunta gobalka J/hoos.

Sheekh Ibraahim Shakuul ayaa sheegay oo in haddii loo doorto xilka madaxtinnimo ee maamulka Jubbaland uu wax ka qaban doono arrimaha ammaanka, caddaaladda iyo horumarka.

Sheekh Maxamed Ibraahim Shakuul ayaa waxaa socdaalkiisa ku weheliyey ganacsato kale kuwaas oo ka soo raacay magaalada Nairobi waxaana garoonka ku soo dhaweeyey madaxda maamulka KMG ah ee magaalada Kismaayo.

Hoos Ka Daawo Sheekh Maxamed Ibraahim Shakuul oo sheegay in uu u taagan yahay madaxtinnimo maamulka Jubbaland state