Koox ka mid ah ururka Al-shabaab oo ku biirtay kooxda Daacish.[Dhageyso]

Warar lagu faafiyey Mareegaha Taageera kooxda Khawaarijta ee Daacish iyo barta Twitter ka cod uu leeyahay mid ka mid ah wadaada taageeri jiray kooxda Al-shabaab oo lagu magacaabo Sh C/qaadir Muumin waxaana uu sheegay in koox ka mid ah ururka Al-shabaab ay ku biireen kooxda Daacish. Wadaadka C/qaadir Muumin ayaa waxaa uu caan ku ahaa Gaaleysiinta cid walba oo khilaafta ilaa uu xitaa Gaaleysiiyey culumada iyo Wariyaasha idaacaddaha qaarkood.

Shalay oo ay Khamiis ahayd ayaa waxaa Mukhaabaraadka dalka Mareykanka ay sheegeen in koox ka tirsan ururka Al-shabaab ay ku biireen Daacish uuna horkacayo Sh C/qaadir Muumin oo dhowr mar sheegay in uu ka dagaalamo Buuraleyda Golis. Halkaan ka eeg Idaacadda CNN-ka

Ilaa hadda lama yaqaan khilaafka ay Kooxda Al-Shabaab ku keeni karto ku biirstay wadaadka Cabduqaadir Muumin uu ku biiray koxda Daaich, arrinaan ayaa ah khilaaf labaad ka dib markii  hogaamiyaal ka tirsan madaxdii Al-shabaab horay lagu dilay degmada Baraawe.

Usbuucyadii la soo dhaafay ayaa saxaafadda soomaalidu waxaa ay baahisay in howlgalo ay sameeyeen ciidanka Al-shabaab ay xabsiga dhigeen dhalinyaro iyo saraakiil ka tirsan Al-shabaab kuwaas oo lagu xiray gudaha Soomaaliya gaar ahaan magaalada Jilib waxaana lagu eedeeyey in ay rabaan in ay ku biiraan Daacish.

Mashruuca Daacish waa Mashruuc hor leh oo ay wataan gaalo lana rabo in lagu mariyo shacabka Soomaaliyeed ee Muslinka ah Waxaa jiray baaqyo tiro badan oo ka imaanayey kooxo la dhacsan Daacish oo baaqyo iyo codsi u dirayey kooxda Al-Shabaab in ay ku biiraan kooxda Daacish ,wili ma jraan cid ka tirsan Al-Shabaab oo ka hadlay hadalka ka soo yeeray wadaadka C/qaadir Muumin.

Hoos ka Dhageyso Codka C/qaadir Muumin oo Sheegaya in uu Beyco la galay Kooxda Daacish.

Muxuu soo kordhin karaa sheegashada C/qaadir Muumin uu ku biiray Kooxda Daacish, maxaa laga filayaa in ay ka soo baxdo Hogaanka Al-shabaab bal aan dhowrno maalmaha soo socda.

C/Casiis Maxamed
Halgan.net