Taliyaha Ciidamada Booliska Guriceel lama cafin doono kuwii dagaalka ka riday Guriceel (VIDEO)

Guriceel:-Taliyaha Ciidamada Booliska degmada Guriceel G/sare Cismaan Cali Hudeey ayaa maanta waxaa uu kula hadlay warbaahinta Degmada Guriceel ka dib markii ay ciidamada Ahlusuna ay ka baxeen Degmada Guriceel .

G/sare Cismaan Cali Hudeey Taliyaha Ciidamada Booliska degmada Guriceel ayaa sheegayin amaanka guud ee Degmada Guriceel uu sugan yahay ayna ciidamada DFS iyo kuwa Galmudug ay si buuxda ula wareegeen magaalada ka dib dagaalo Afar maalin ah ka socday Degmada Guriceel.

G/sare Cismaan Cali Hudeey Taliyaha Ciidamada Booliska degmada Guriceel ayaa sheegay in Bulshada degmada ay ka difaaceen kooxda la baxday Ahlusuna oo ku soo duushay taas oo dhibaato ku heysay shacabka ku dhaqan Degmada wuxuuna ugu baaqay shacabkii ka barakacay Guriceel in ay dib ugu soo laabtaan .

Ugu dambeyn Taliyaha Ciidamada Booliska degmada Guriceel G/sare Cismaan Cali Hudeey ayaa sheegay in cadaaladda la horkeeni doono cid kasta oo oo garab siisay kooxda la baxday Ahlusunna.

A/Cawale
Halgan.net