Gen. Cabdicasiis Siciid Maxamuud oo lagu aasay maanta Garoowe.

Garoowe:-Madaxweynaha Dowladda Puntland Mudane Siciid Cabdullaahi Deni, ayaa ka qeybgalay Aas Qaran oo Garoowe loogu sameeyay AHUN Xildhibaan hore Gen. Cabdicasiis Siciid Maxamuud.

Aaska Qaran waxaa Madaxweynaha kala qeybgalay, Guddoomiyaha Golaha Wakiillada DPL Mudane Cabdirashid Yuusuf Jibriil, Guddoomiye ku-xigeenka 2aad Mudane Ismaaciil Maxamed Warsame, Goleyaasha Dowladda, Saraakiisha Ciidamada, Ehelka marxuumka, Culimada iyo qeybaha kala duwan ee Bulshada Garoowe.

Madaxweynaha Dowladda Puntland ayaa markale uga tacsiyadeyey bulshada Puntland iyo guud ahaan shacabka Soomaaliyeed geerida AHUN Gen Cabdicasiis Siciid Maxamuud, si gaar ah wuxuu Madaxweynuhu ugu tacsiyeeyay ehelkii, qoyskii iyo caruurtiisii oo uu kula kulmay Aaska.

Alle ha u naxariisto Gen Cabdicasiis Siciid Maxamuud wuxuu xilal kasoo qabtay Dowladihii soo maray Puntland, wuxuu ka mid ahaa asaasayaashii Puntland isagoo soo noqday Taliyaha Ciidanka Booliska DPL, Wasiir ku-xigeenka Amniga iyo Xildhibaan.

=DHAMMAAD=

XAFIISKA WARFAAFINTA MADAXTOOYADA DOWLADDA PUNTLAND