Madaxweynaha Puntland ayaa dhagax-dhigay dhismaha Xarunta gobolka Haylaan.

Garoowe:-Madaxweynaha Dowladda Puntland Mudane Siciid Cabdullaahi Deni oo safar shaqo ku jooga magaalada Dhahar ee caasimadda gobolka Hayland ayaa dhagax-dhigay dhismaha Xarunta gobolka iyo xafiisyada Maxkamadda Derejada kowaad ee gobolkaaasi.

Xafiisyada Dowliga ah ee Maanta Madaxweynuhu dhagax-dhigay dhismahooda waa qayb ka mid ah Siyaadda Xukumadda DPL ee ku aaddan daadejinta dowladnimada, isku fillaanshaha dowladda ee heer Degmo, heer gobol iyo heer Dowlad dhexeba, taasi oo looga golleeyahay tahaynta xarumaha dowladda maamul ahaan iyo tayo ahaanba.

Madaxweynaha DPL Mudane Siciid Cabdullaahi Deni waxaa dhagax-dhigga ku weheliyey masuuliyiin ka tirsan Goleyaasha Dowladda, Maamulka gobolka Hayland, Kan degmada Dhahar, Guddoomiyaha Maxkamadda Sare ee gobolka Hayland iyo Suldaan Maxamed Cabdullaahi Cartan.

=DHAMMAAD=

XAFIISKA WARFAAFINTA MADAXTOOYADA DOWLADDA PUNTLAND.