Madaxweynaha Puntland oo ka tacsiyeeyay geerida Abwaan Maxamed Ibraahim Warsame (Hadraawi)

Garoowe:-Madaxweynaha Dowladda Puntland Mudane Siciid Cabdullaahi Deni, oo ku hadlaaya magaciisa, kan goleyaasha Dowladda iyo Shacabka Puntland, ayaa ka tacsiyeeyay geerida Alle ha u naxariistee Abwaan Maxamed Ibraahim Warsame (Hadraawi) oo maanta ku geeriyooday magaalada Hargeysa.

“Innaa Lillaahi Waa Inaa Ilaahi Raajicuun!

Waxaan ummada Soomaaliyeed uga tacsiyeeynaya geerida Alle ha u naxariistee Abwaan Maxamed Ibraahim Warsame ( Hadraawi) oo maanta ku geeriyooday Magaalada Hargeysa. Si gaar ah waxaan tacsi u dirayaa Abwaaniinta Soomaaliyeed, eheladii iyo qoyskii uu marxuumku ka geeriyooday.

Wuxuu ahaa haldoor suugaanta Soomaaliyeed wax weyn kusoo kordhiyey, tusaalena ugu ahaa Bulshadeenna hibada, suugaanta iyo Afka iyo dhaqankeenna. Alle waxaan uga baryayaa in uu danbigiisa dhaafo oo janadii geeyo, Aamiin” Ayuu yiri Madaxweynaha Dowladda Mudane Puntland Siciid Cabdullaahi Deni.

——–DHAMMAAD—-

XAFIISKA WARFAAFINTA MADAXTOOYADA DOWLADDA PUNTLAND.